Sagar mei gehraayi hoti hai,
Yaadon mei tanhayi hoti hai,
Is busy life mei kaun kisko yaad karta hai,
Aur agar karta hai to uski yaado mei sachhayi hoti hai |
|
Door jakar bhi hum door jaa na sakenge,
Kitna royenge hum bata na sakenge,
Gham iska nahi ki aap mil na sakoge,
Dard is baat ka hoga ki hum aapko bhula na sakenge! |
Kaanch chubhe to zakhm reh jata hai,
Dil tute to armaan reh jata hai,
Laga to deta hai waqt marham is dil par,
Phir bhi umar bhar ek nishan reh jata hai |
Gham nahi wahan jahan ho fasana aapka
Khushi bhi dhundhti hai har pal fasana aapka,
Aap udaas na hona kabhi zindagi mai,
Bohot achha lagta hai hame muskurana aapka...! |
Unko khabar hai mere armaano ki,
Aaj zarurat padegi kaanch ke paimane ki,
Khali na hone dena jaam warna,
Fir yaad aayegi guzre zamane ki |
Teri palkon pe khwab rakh gaya koi
Teri saanso pe naam likh gaya koi
Chalo wada raha bhool jana hame
Agar humse achha yaar tumhe mil gaya koi |
Kabhi ghamo se aapki mulaqat na ho
Udaas baithe ho aisi koi baat na ho
Shikayat ho to hame maaf kar dena
Fursat se baithe ho to hame yaad kar lena |
Kabhi kabhi sapne chur ho jate hain
Halaat se log dur ho jate hain
Par kuch yaadein itni haseen hoti hai ki
Unhe yaad karne ko hum majboor ho jate hain |
Toota ho dil to dukh hota hai
Karke mohabbat kisi se ye dil rota hai
Dard ka ehsaas to tab hota hai jab
Kisi se mohabbat ho aur uske dil mei koi aur hota hai |
Har raat ko chaand ka shringaar nahi milta
Har baag ko phool ka dulaar nahi milta
Maine bhi duniya dekhi hai dost
Har insaan ko aap jaisa yaan nahi milta |
waise to kayi dost hain hamare
Jaise aasman mai hain kayi taare
Par aap dosti ke aasman ke wo chaand hain
Jiske samne feeke padte sare sitare |
Lehar aati hai, kinare se palat jati hai
Yaad aati hai, dil mei simat jati hai
Fark sirf itna hai ki lehar bewaqt aati hai
Aur aapki yaad har waqt aati hai |
kabhi ek lamha aisa bhi aata hai
Jisme beeta hua kal nazar aata hai
Bas yaaden reh jati hai yaad karna ke liye
Aur waqt sab kuch lekar guzar jata hai |
Raat ka andhera ek saugaat lata hai
Din ka ujala ek intezaar lata hai
Aap hamare sath ho na ho
Hawa ka har jhoka aapka yadon ka paigaam lata hai |
Aisi kya dua den aapko
Jo aapke labo me hansi khila de
Bas yahi dua hai hamari us khuda se
Ki sitaro ki roshni se wo aapki taqdeer saja de |
Manzil kya hai, raasta kya hai,
Hausla agar ho to faasla kya hai
Wo to saza deke door jaa baithye
Ab kisse puchu meri khata kya hai |
Subah hote hi jab duniya abaad hoti hai
Aankh khulte hi aapki yaad hoti hai
Khushiyon ke phool ho aapke aanchal mei
Ye mere honthon pe pehli fariyaad hoti hai |
Uljhan agar koi aa jaye to muzse na chupana
Sath na de zubaan to likh kar batana
Hum har kadam par sath hain aapke
Apna dost banaya hai to haq zaroor jatana |
Kaun jane kab maut ka paigaam aa jaye
Kab zindagi ki akhri shaam aa jaye
Hum to dhoondte hain waqt aisa
Jab hamari zindagi aapke kaam aa jaye |
Phoolo se saji aapki zameen hogi
Har raat us chaand se zyada chandni hogi
Kisi raah pe suraj na bhi mile to kya
Aapki har raah pe meri duaon ki roshni hogi |
Majburi mei nahi dil se yaad karna
Duniya se fursat mile to baat karna
Dua hai zamane ki har khushi pao aap
Phir bhi aankh bhar aaye to hame yaad karna |
Kisi ko pyar itna do ke hadh na rahe
Magar aitbaar bhi itna karna ke shaq na rahe
Wafa itni karna ke bewafayi na ho
Aur dua bas itni karna ke kabhi judai na ho |
Na chaho chaand ko itna
Ke uski chandni tumhari kamzori ban jaye
Chaho chand ko itna
Ke roz nikalna uski bhi majburi ban jaye |
Taqdeer ne chaha taqdeer ne bataya,
Taqdeer ne aapko aur humko milaya,
Na jane khushnaseeb the hum ya wo pal,
Jab tumsa dost hamari zindagi mei aaya |
Palkein to aankhon ki hifazat hoti hai,
Dhadkan to dil ki amanat hoti hai,
Ye pyar ka rishta bhi bada pyara hota hai,
Kabhi chahat to kabhi shikayat hoti hai |
Zindagi ke liye jaan zaruri hai,
Pane kle liye arman zaruri hai,
Hamare paas chohe ho kitna hi gham,
Par aapke chehre par muskan zaruri hai...! |
Door rehkar bhi hamse wasta rakhna,
Mulaqat na sahi par baaton ka silsila rakhna,
Chulo aasmaan ko tum ye tamanna he meri,
Par hum tak wapas aane ka raasta yaad rakhna. |
Beete pal wapis laa nahi sakte,
Sukhe phool wapis khila nahi sakte,
Kabhi kabhi lagta he aaphame bhool gaye,
Par dil kehta he ki aap hume bhula nahi sakte |
Jiyo uske liye jo jeene ka sahara ho,
Chaho use jo jaan se bhi pyara ho,
Raah mei to milenge bahut lekin,
Sath uska do jisne bheed mei bas aapko pukara ho. |
Raat ki shuruaat neend se hoti he,
Neend ki shuruaat sapno se hoti he,
Sapno ki shuruaat apno se hoti he,
Aur apno ki shuruaat aapse hoti he. |
Chahat ne aansuon ke tohfe diye,
Baato ne yaadon ke tohfe diye,
Isiliye andhero se lipatkar ro pade hum,
Kyun ki ujalon ne bahut se dhokhe diye |
Ye zindagi thi sirf tere liye,
Kabhi to aazma ke dekh liya hota,
Hum sada hi tere paas rehte the,
Kabhi to hame pehchan liya hota. |
Hame aadat he teri yaad aane ki,
In aankhon ko teri ek jhalak pane ki,
Hamari to tamanna he aapse baat karne ki,
Par shayad aapki aadat he hame tadpane ki. |
Naraz hoke zindagi se nata nahi todte,
Mushkil ho raah fir bhi manzil nahi chodte,
Tanha na samazna khud ko kabhi bhi,
Hum unme se hain jo kabhi sath nahi chodte...! |
Mila hai sab kuch fariyad kya kare,
Dil ho pareshan to jazbat kya kare,
Aap kehte hain hum aapko yaad nahi karte,
Bhool hi nahi sakte jisko use yaad kya kare |
Gehrayi pyar mei ho to bewafayi nahi hoti
Sachhe pyar mei kahi tanhayi nahi hoti
Magar pyar zara sambhal kar karna mere dost
Pyar ke zakhm ki koi dawa nahi hoti |
Mohabbat usne mohabbat se zyada ki thi
Hamne mohabbat usse bhi zyada ki thi
Wo kise kahegi mohabbat ki intehaa
Hamne shuruwaat hi intehaa se ki thi |
Palkon mei qaid kuch spaney hain,
Kuch begane kuch apne hain,
Na jane kya kashish he in khayalon mei,
Kuch log humse door hokar bhi kitne apne hain |
Falak mei apni jannat ke sitare nahi,
Hum unke hain par wo hamare nahi,
Choti si naav lekar us samundar mei utar gaye,
Jis samundar mei door tak kinara nahi |
Zindagi guzar gayi dil ko samzane mei
Pyar ke un kisson ko bhulane mei
Samaz baithe jise zindagi apni
Wo shamil the mere dil todne ke jashn manane mei |
Mangi thi dua aashiyane ki,
Chal padi aandhiyaan zamane ki,
Hamare gham to koi samaz na sake,
Kyunki hame aadat thi gamo mei bhi muskurane ki...! |
Na chupana koi baat dil mei ho agar
Rakhna thoda bharosa tum ham par
Hum nibhayenge har rishte ko is kadar
Ki aap na bhool payenge hame zindagi bhar |
Chahenge itna ki koi soch na sake
Dil me chupa lenge koi dekh na sake
Har pal apni baahon mei rakhenge tuze
Ek pal ke liye bhi juda hone na denge |
Kuch likh nahi pate, kuch suna nahi pate
Haal-e-dil zubaan pe laa nahi pate
Wo utar gaye hain dil ki gehraiyon mei
Wo samaz nahi pate, hum samza nahi pate |
Tere dil ko jo na ehsaas ho paye
To dil ki baaten dil mei tadapne denge
Ek din kisi aur ke ho jayenge
Par apna dil tere liye dhadakne denge |
Wo aaye hum dekhte rahe,
Wo muskuraye hum chup rahe,
Wo bolte rahe hum sunte rahe
Jawab aankho me tha wo zubaan pe dhundhte rahe |
Dard bhi tu, khushi bhi tu
Pyar bhi tu, nafrat bhi tu
Zakhm bhi tu, marham bhi tu
Jannat bhi tu, jahannum bhi tu
Tuzse he duniya meri, ye jane na tu |
Har sapna khushi pana ka pura nahi hota
Koi kisike bina adhura nahi hota
Jo chand roshan karta he sab raaton ko
Wo bhi to har raat ko pura nahi hota |
Meethi baaton se nahi hota pyar
Har phool se nahi banta haar
Yun to zindagi mei koi aata he aur jata he
Lekin har koi nahi banta aap jaisa yaar |
Kyun teri yaad hame satane aa gayi
Kyun haq chahat ka jatane aa gayi
Bhoolna chahte hain hum jin kasmo ko
Kyun un kasmo ko nibhane aa gayi |
Har baat ka jawab nahi hota,
Har ishq ka naam kharab nahi hota,
Yun to jhoom lete he nashe mei peene wale,
Par har nashe ka naam sharab nahi hota |
Haqeeqat ke kareeb aane ke baad,
Samza mohabbat ko dil lagane ke baad,
Muze apna gham nahi, dukh uska he,
Kaun chahega use itna, mere jane ke baad |
Dil ka dard chupana kitna mushkil he,
Tootkar muskurana kitna mushkil he,
Door tak chalo jab kisi ke sath,
Fir tanha laut kar aana kitna mushkil he |
|
|
